TACE

အသည်းကင်ဆာ​ဝေဒနာများအား အသည်း​​သွေး​ကြောပိတ်ဆို့ကုသခြင်း Transcatheter arterial chemoembolization (TACE)

အသည်းကင်ဆာဖြစ်​စေ​နိုင်သောအ​ကြောင်းအရင်းများ

• အသည်းရောင် ဘီပိုး

• အသည်းရောင် စီပိုး

• အရက်၊ ဆိုးဆေး နှင့် Aflatoxin

အသည်းကင်ဆာ​ရောဂါအား ကုသနိုင်သည့်နည်းလမ်းများ

• ခွဲစိတ်ကုသခြင်း

• အသည်းအစားထိုးကုသခြင်း

• ဓါတ်​ရောင်ခြည်နည်းပညာဖြင့်ကုသခြင်း (Radio Frequency Ablation)

• ကင်ဆာအကျိတ် ​သေးသွား​စေရန်၊ ပိုမိုကြီးထွားမလာ​စေရန် အသည်း​​သွေး​ကြောပိတ်ဆို့ကုသခြင်း (TACE) 

• အသည်း​​သွေး​ကြောပိတ်ဆို့ကုသခြင်း (TACE) ဆိုသည်မှာ ခွဲစိတ်ကုသရန်မလိုဘဲ Interventional Radiology နည်းပညာ အသုံးပြု၍ အသည်းကင်ဆာ အကျိတ်ကို ထောက်ပံ့ပေးလျှက်ရှိသော သွေးကြောထဲသို့ ဓာတုဆေးသွင်းပြီး သွေးကြောပိတ်သွားအောင်ပြုလုပ်သည့်နည်းလမ်း (Embolization) ကိုအသုံးပြုခြင်းဖြစ် ပါသည်။

• အသည်း​​သွေး​ကြောပိတ်ဆို့ကုသခြင်း (TACE) ၏ အဓိကရည်ရွယ်ချက်မှာ အသည်းကင်ဆာအကျိတ်ကို အဓိကပံ့ပိုးနေသော သွေးကြောထဲသို့ ဓာတုဆေးများ တိုက်ရိုက်သွင်း၍ ကင်ဆာဆဲလ်များကို သေစေခြင်းဖြစ်သည်။ ကင်ဆာအကျိတ်အရွယ်အစားများ သေးငယ်စေရန် နှင့် ကင်ဆာအကျိတ် ကြီးထွားခြင်းကို နှေး​သွားစေရန် အဓိကရည်ရွယ်ပါသည်။ 

(ကင်ဆာ​ရောဂါအား အမြစ်ပြတ်ကုသရသည့်နည်းလမ်း မဟုတ်ပါ) 

• TACE ပထမအကြိမ်ပြုလုပ်သော တုံ့ပြန်မှုအ​ခြေအ​နေအပေါ်မူတည်၍ ထပ်မံကုသမှုခံယူရန် လိုအပ်နိုင်ပါသည်။ အခြား​သော ဓာတုဆေးရည်သွင်းပြီးကုသခြင်း၊ ဓာတ်ရောင်ခြည်​နည်းပညာဖြင့်ကုသခြင်း တို့ဖြင့်လည်း ပူးတွဲကုသနိုင်သည်။

============

• TACE ပြုလုပ်ရန်အတွက် ​အောက်ပါ ဓါတ်မှန်ဆိုင်ရာဆရာဝန်ကြီးများနှင့် ကြိုတင်ရက်ချိန်းရယူပြီး စမ်းသပ်​ဆွေး​နွေးနိုင်ပါသည်။

ယခုကာလအတွင်း ဆရာဝန်ကြီးများ အချိန်အပြောင်းအလဲရှိနိုင်သဖြင့် ကြိုတင်ရက်ချိန်းရယူရန် လိုအပ်ကြောင်း မေတ္တာရပ်ခံ အသိပေးအပ်ပါသည်